«МКК «М Булак» ЖЧКнун Шариаттык кеңеши жөнүндө маалымат

КМШга белгилүү окумуштуу-аалым, Россия Федерациясынын Мусулмандарынын Дин Башкармалыгынын (РФ МДБ) Уламалар кеңешинин төрагасы, Москва мемориалдык мечитинин имам-хатиби. 30дан ашык китептин автору жана Trillioner.life мусулман насаатчылык мектебинин негиздөөчүсү.

Ал 1999-жылы КМШ аймагында кеңири популярдуулукка ээ болгон umma.ru дин таануу сайтын негиздеген. Шамил Рифатович Аляутдиновго азыркы мусулман жана мусулманчылыкка жакын темалар боюнча эксперттик пикирин сурап көп кайрылышат. Эл аралык Ислам академиясынын, ошондой эле Аль-Азхар Университетинин (Египет) ислам укугу факультетинин бүтүрүүчүсү.

Шамиль Рифатович Аляутдинов - куран жана пайгамбарлык окууларды психология, нейробиология, социология, каржы жана башка илимдердин заманбап жетишкендиктери менен айкалыштырган дин таануучу.

Ислам каржысы жана юриспруденция жаатындагы алдыңкы аалымдардын бири. Түркия менен Пакистанда иштеген USMANI'S консалтинг компаниясынын негиздөөчүсү жана Президенти.

Хасан Ашраф Усмани - дүйнөгө белгилүү ислам аалымы жана ислам каржысы тармагынын эксперти, AAOIFI (Ислам каржылык мекемелери үчүн бухгалтердик эсеп жана аудит Уюмунун) төрагасы муфтий Мухаммад Таки Усманинин уулу.

Ал ошондой эле ислам каржысы боюнча философия илиминин доктору наамына, Пакистандагы Жамия Дарул Улум Карачинин ислам укугу жана фатвалар боюнча адистешкен Улама даражасына (аалым даражасы) ээ.

Узак убакыт бою Sindh Банкынын (Пакистан) Шариат Кеңешин жетектеген. Учурда ал башка бир катар эл аралык каржы институттарынын, анын ичинде Faysal Bank Limited, Atlas Asset Management ж.б. Шариат кеңештеринин мүчөсү. Ал AAOIFI жумушчу тобунун мүчөсү жана AAOIFI 12 стандарттарынын авторлошу болуп саналат.

“Саракси” Эл аралык ислам каржылоосу боюнча изилдөө академиясынын президенти. Ал КМШ аймагында (2000-ж.) ислам каржылоосун мыйзамдык деңгээлде киргизүүнүн сап башында турган. «МКК «М Булак» ЖЧКда исламдык каржылоо боюнча биринчи окуу борборун, «Ислам терезеси» бөлүмүн, Шариат көзөмөл/аудит бөлүмүн жетектеген.

Учурда «Кыргызстан» КК» ЖАК (Такафул) Шариат Кеңешин жетектейт жана КМШ өлкөлөрүнүн көптөгөн каржы институттарында («АХ СУКУК Ислам атайын каржылык компаниясы ж.б.) Шариаттык көзөмөлдөө кеңешинин мүчөсү.

Абдурашид Жораев Кыргыз Республикасынын ислам экономикасы жаатындагы мамлекеттик стратегиясынын негизги автору, ошондой эле AAOIFI (Ислам каржы институттары үчүн эсеп жана аудит Уюму) комитетинин активдүү мүчөсү. Эксперт төмөнкүдөй багыттар боюнча адистешет: шариат өкүмдөрүн чыгаруу, исламдык каржылоо чөйрөсүндө кадрларды окутуу жана даярдоо, инновациялык каржылык продуктуларды структуралаштыруу, исламдык инвестициялар.

Болгария Ислам Академиясынын докторантурасынын бүтүрүүчүсү, укуктук магистр даражасына ээ, ошондой эле экономика факультетинин докторанты. Дүйнө жүзүндөгү алдыңкы институттарда исламдык каржы жана экономика боюнча 100дөн ашык билим берүү программаларын аяктап, дипломго ээ болгон шариат эксперти. Ижазага (Ислам каржылоодо шариат фатваларын чыгаруу укугу) ээ. Ислам каржылоо индустриясында көптөгөн абройлуу сыйлыктардын ээси жана эл аралык сыйга татыктуу.